Web Content Display Web Content Display

Return to Full Page

በሀሰተኛ የትምህርት ማስረጃ ስራ የተቀጠረው ግለሰብ በእስራት ተቀጣ

 ነዋሪነቱ በሰሜን ወሎ ዞን ዳውንት ወረዳ ኩርባ ከተማ ዐ1 ቀበሌ ነዋሪ የሆነው ሻምበል ሲሳይ አማረ በእስራት ሊቀጣ የቻለው ቀደም ሲል በነበረው ህጋዊ የዲኘሎማ የትምህርት ማስረጃ የቀበሌ አከባቢ ጥበቃ መሬት አስተዳደር ባለሙያ ሆኖ እየሰራ እንዳለ ከባህር ዳር ዩኒቪርስቲ በዲግሪ በኢኮኖሚክስ እንደተመረቀ አድርጎ የሀሰት ማስረጃ አቅርቦ በዳውንት ወዳ ኩርባ ከተማ ማዘጋጃ ቤት በእቅድ ዝግጀት ክትትል ግምገማ ባለሙያነት ባቀረበው የሀሰት ማስረጃ ተወዳድሮ የካቲት 07/ ቀን 2006 ዓ/ም እስከ ነሐሴ 02 ቀን 2006 ዓ/ም ድረስ በመስራት ላይ እንዳለ በዞን በኩል በተሰጠው አቅጣጫ መሰረት የሁሉም የመንግስት ሠራተኛ የትምህርት ማስረጃ ከአመጡበት ቦታ ህጋዊ መሆኑነን እንዲረጋግጥ በተላከው መሰረት የእሱ የትምህርት ማስረጃ ከባህር ዳር ዩኒቪርስቲ ያልተሰጠና ሀሰተኛ መሆኑ በመረጋገጡ ነው፡፡

ይህ የተፈፀመው በሀሰተኛ የትምህርት ማስረጃ አጭበርብሮ ስራ መቀጠር ወንጀል የደረሰው የዳውንት ወረዳ ፖሊስ የወንጀል ምርመራ ዋ/የሥራ ሂደትም ከባህር ዳር ዩኒቪርስቲ በተሰጠው የፁሁፍ ማስረጃ ተከሳሹ በሰጠው የእምነት ቃል መሰረት ምርመራን  አጣርቶ ለወረዳው ፍትህ ጽ/ቤት ልኳል፡፡  የምርመራ መዝገቡ የደረሰው የዳውንት ወረዳ ፍ/ቤት መዝገቡን ሲያጣራና ሲመረምር ከቆየ በኋላ ተከሳሽ ሻምበል ሲሳይ ተፈራ ጥፋተኛ ሆኖ በመገኘቱ ጥቅምት 26 ቀን 2007 ዓ/ም በኩርባ ከተማ ባስቻለው መደበኛ ችሎት የ2 ዓመት ከ10 ወር ፅኑ እስራት የወሰነበት መሆኑን የዳውንት ወረዳ ፖሊስ ህ/ግንኙነት ኦፊሰር ረ/ሣጅን ተፈሪ ሞላ ገልፀውልናል፡፡ እንደዚህ ዓይነቱ ወንጀል መከላከል በሁሉም ወረዳዎችና ሴ/መ/ቤቶች የማጣራት ስራ በመስራት በትምህርት ማስረጃ አጭበርብረው የመንግስት ስራ የተቀጠሩ ግለሰቦችን በመለየት ህጋዊ እርምጃ እንዲወሰድ ጥረት ሊደረግ ይገባል እንላለን፡፡