Web Content Display Web Content Display

Minimize Maximize

Web Content Display Web Content Display

Minimize Maximize

Web Content Display Web Content Display

Minimize Maximize

በባህር ዳር ፖሊስ መምሪያ ለሚገኙ ትራፊክ ፖሊስ አባላት ስለሶፍትዌሩ አጠቃቀም ስልጠና ተሰጥቷቸዋል፡፡

                                                                                  በም/ኢ/ር ፍቅርተ ገደፋው

ዳፍቴክ አይሲቲ ሶልሽን ከኢትዬ ቴሌኮም ጋር በመተባበር የአሽከርካሪዎችን የጥፋት አይነት ለትራፊክ ፖሊስ አባላትና ደንብ አስከባሪዎች በሞባይል አጭር የጽሁፍ መልዕክት በመላክ እና ባሉበት ቦታ በድረ ገጽ ለ24 ሰዓት መረጃ የሚያቀብል ሶፍትዌር በማዘጋጀት በባህር ዳር ከተማ ለሚገኙ ከ6ዐ በላይ ለሆኑ የትራፊክ ፖሊስ አባላት  ሰሞኑን ስልጠና ሰጥቷል፡፡

ስልጠናውን የሰጡት የዳፍቴክ ሶሻል አይሲቲ ሶልሽን ም/ስራ አስኪያጅ አቶ ደነቀው በሪሁን በስራ ላይ የዋለው ሶፍትዌር ዋና ዓላማ እያንዳንዱ አሽከርካሪ ያለበትን ቀደምት ጥፋት ለማወቅ እና የመረጃ አያያዝን ምቹ ለማድረግ ታስቦ የተዘጋጀ ነው፡፡

የፖሊስ ኮሚሽኑ ትራፊክ ፖሊስ የጥናት ትምህርትና ስልጠና ባለሙያ የሆኑት ኢ/ር ያሳብ ተፈራ ከአሁን በፊት የደንብ ተላላፊዎች መረጃ አያያዝ እና እርምጃ አወሳሰድ ውጤታማ እንዳልነበር አስታውሰው ይህ ሶፍትዌር ደንብ ተላላፊዎች ከትራፊክ ፖሊስ ሲያመልጡ በአጭር የጽሁፍ መልዕክት በመላክ መረጃ ለመለዋወጥ ከማስቻሉም ባለፈ የትራፊክ አደጋን ለመቀነስ የሚያደርገው አስተዋፆ የጐላ መሆኑን ተናግረዋል፡፡

የስልጠናው ተሳታፊዎች በበኩላቸው ይህን ቴክኖሎጅ ስራ ላይ ለማዋል ተከታታይ የሆኑ ስልጠናዎችን መውሰዳቸውን ገልፀው  ሶፍትዌሩን በመጠቀም የትራፊክ ፍሰቱን ሠላማዊ ለማድረግ እየሰራን ነው ብለዋል፡፡

ሶፍትዌሩ ሌሎች ተጨማሪ አገልግሎቶችንም የሚሰጥ ሲሆን የትራፊክ አደጋ ሲደርስ በአፋጣኝ ሪፖርት ለማድረግ፣አደጋ ፈጽመው ያመለጡ አሽከርካሪዎችን በቀላሉ ለመያዝ፣የመንጃ ፈቃድን ትክክለኝነት ለማረጋገጥ፣የትራፊክ ፖሊስ ትዕዛዝን የሚጥሱ አሽከርካሪዎችን በቀላሉ ለመያዝ እንዲሁም ከህ/ሰቡ አስተያየትና ጥቆማ ለመቀበል እንደሚረዳ ያስችላል፡፡

Web Content Display Web Content Display

Minimize Maximize

በህዝብ ማመላሻ ተሽከርካሪ ላይ በደረሰ የትራፊክ አደጋ የሞት እና የአካል ጉዳት መድረሱን የምስራቅ ጐጃም ፖሊስ መምሪያ አስታወቀ፡፡

                                           በም/ኢ/ር ፍቅርተ ገደፋው

መነሻውን ከሰሜን ጐንደር ዞን ደባርቅ ከተማ ያደረገው የሠሌዳ ቁጥሩ ኮድ 3 ዐ5514 ኢት የሆነ የህዝብ ማመላለሻ ተሽከርካሪ ከንጋቱ 12፡ዐዐ አካባቢ  77 ሰዎችን አሳፍሮ መድረሻውን አዲስ አበባ ለማድረግ መንገዱን ጀምሯል፡፡ ከሰዓታት ጉዞ በኃላ  ከቀኑ 7፡ዐዐ አካባቢ ምስራቅ ጐጃም ዞን ደጀን ዙሪያ ወረዳ ገልገሌ ቀበሌ ሲደርስ ጉዞውን የሚያስተጉል አደጋ ተጋረጠበት፡፡ተሽከርካሪው ጥልቀቱ 1ዐ ሜትር  ወደሚገመት ገደል ውስጥ ይወረወራል፡፡
 

አደጋው እንደደረሰ ሾፌሩን ጨምሮ የ20 ሰዎች ህይዎት ሲያልፍ በ57 ሰዎች ላይ ከባድና ቀላል ጉዳት ደርሶባቸዋል፡፡ በአደጋው የቆሰሉ ተሳፋሪዎችን ፖሊስ እና ህብረተሰቡ ወደ ደብረ ማርቆስ ሪፈራል ሆስፒታል የህክምና እርዳታ እንዲያገኙ ድጋፋቸውን አድርገዋል፡፡ ተጐጅዎችም የህክምና እርዳታ ከተደረገላቸው በኃላ ወደየአካባቢያቸው መመለሳቸውን የዞኑ ፖሊስ ገለፆአል፡፡

የደጀን ዙሪያ ወረዳ ትራፊክ ፖሊስ ተወካይ ኃላፊ ዋና ሳጅን ሰውነት አበራ የአደጋው መንስዔ ከተፈቀደው ፍጥነት በላይ ማሽከርከር እና ትርፍ ሰዎችን በመጫኑ ነው ብለዋል፡፡ ዘገባውን ያደረሰን ሪፖርተራችን ጐበዜ ይርሳው ነው፡፡ 

 

 

 

Web Content Display Web Content Display

Minimize Maximize