Web Content Display Web Content Display

Minimize Maximize

Intergovernmental Relations

    የክልል መንግስታት ግንኙነት

    ፌዴራሊዝም በዓለማችን ካሉ የመንግስታት አወቃቀር  ዓይነቶች አንዱ ሲሆን ስልጣን በሁለት ወይም ከሁለት በላይ ህገ-መንግስታዊ እውቅና ባላቸው መንግስታት (በፌደራል መንግስትና በክልሎች አንዳንዴም ወረዳዎች ጭምር) የሚከፋፈልበት ስርዓት ነው፡፡ በፌዴራላዊ የመንግስት አወቃቀር የሚመሰረቱት መንግስታት ቀጥታ ለመረጣቸው ህዝብ ተጠሪ ናቸው፡፡ ይህ ማለት ደግሞ የራስ አስተዳደርና የጋራ አስተዳደር (Self-Rule and Shared-Rule) የመንግሥት አወቃቀርን ያጣመረ፣ የመንግሥታቱ ህልውና በቃልኪዳን የተመሰረተ፣ ለመንግስታቱ አንፃራዊነፃነት የሚሰጥና የሚጠብቅ፣ በአጋርነት ላይ የሚመራ ስርዓት ነው፡፡ አጋርነቱ በመካከላቸው ሊኖር የሚገባውን የሥልጣን ክፍፍልና ዝምድና የሚያነፀባርቅ /የሚወስን፣ አንዱ የሌላውን ታማኝነትና አብሮ የመኖር እሳቤን በማመን ላይ የተመሠረተ ነው፡፡ አንዱ የሌላውን ልዩ ታሪክ፣ ባህል፣ ቋንቋ፣ ሃይማኖት ወይም ልዩ ማንነቶችን….ወዘተ በማክበርና በእኩልነት በመጠበቅ ላይ የተመሠረተ መንግሥታዊ ሥርዓት ነው፡፡