Web Content Display Web Content Display

Minimize Maximize

Research Papers

    ሴፍትኔትና በአፈፃፀም ያጋጠሙት ችግሮች

     በሀገራችን በተለይም በክልላችን በርካታ አካባቢዎች ለከፋ ድርቅ መጋለጣቸው ህዝቡ ለረሃብና ስደት ተጋልጦ ቆይቷል። ይህን ችግር ለመቀነስና ብሎም ለመቋቋም መንግስታችን ከውጭ ረጅ ድርጅቶች ጋር በመተባበር የህይወት አድን ስራ በቀጥታ ርዳታ በመስጠት የብዙ ዜጐችን ህይወት ማትረፍ ችሏል። ሆኖም ግን ይህ እርዳታ ዘላቂ ለውጥ ሊያመጣ ባለመቻሉ በ1996 ዓ/ም የምግብ ዋስትና /ሴፍትኔት/ ኘሮግራም በመቅረጽ ግለሰቦች ጥሪት እንዲያፈሩ አካባቢውም እንዲያገግም የተለያዩ ስራዎች ተሰርተዋል። ነገር ግን የኘሮግራሙ ዓላማ ጥሩ ሆኖ እያለ አፈፃፀሙ ሲታይ ችግር ያለበት በመሆኑ ህዝቡ በተደጋጋሚ ቅሬታ ቢያቀርብም መፍትሄ ሳያገኝ ከወረዳ እስከ ክልል ሲንገላታ ተስተው
    ሏል። ስለዚህ የህዝቡ ቅሬታ ወይም ችግር ከመነሻው መፍትሄ እንዲያገኝ የችግሩን መንስኤ ለመለየትና የመፍትሄ አቅጣጫ ለማስቀመጥ የዳሰሳ ጥናት መስራት አስፈላጊ ሆኖ አግኝተነዋል። ይህ የዳሰሳ ጥናት በክልላችን ባሉ አራት ዞኖች ማለትም ሰሜንና ደቡብ ጎንደር፣ ዋግኸምራና ሰሜን ወሎ ዞኖች በሚገኙ 8 የሴፍትኔት ተጠቃሚ ወረዳዎችና 16 ቀበሌዎች ላይ መረጃ በመሰብሰብ የተሰራ ነዉ። ጥናቱን ለማካሄድ ሁለት የጥናት ቡድኖች የተወቀሩ ሲሆን አንደኛዉ ቡድን ሰሜንና ደቡብ ጎንደር ላይ መረጃ የሰበሰበ ሲሆን ሁለተኛዉ ቡድን ደግሞ ዋግኸምራና ሰሜን ወሎ ላይ መረጃዎችን በመሰብሰብ በሁለቱ ቡድኖች የተሰበሰበዉ መረጃ ደግሞ ቢሮ ዉስጥ በሂደቱ ባለሙያዎች እንዲተነተንና አሁን የያዘዉን ቅርፅ እንዲይዝ ተደርጓል።

    ፅሁፉ በአጠቃላይ በአምስት ክፍሎች የተከፋፈለ ሲሆን በመጀመሪያዉ ክፍል  ለጥናቱ መነሻ የሆኑት ዋና ዋና ምክንያቶች ምን እንደሆኑና ከጥናቱ የሚጠበቀዉን ዉጤት የሚያመለክት ሲሆን ክፍል ሁለት ደግሞ የጥናቱ የመረጃ አሰባሰብ ሁኔታ፤የመረጃ ምንጮችና የተጠያቂዎች ማነነት ላይ ያተኩራል። ክፍል ሶስት የሴፍትኔት ፕሮግራም እንዴት እንደተጀመረና በሂደት ያጋጠሙት ተግዳሮቶችን የሚዳስሱ ተዛማጅ ፅሁፎች የተዳሰሱበት ሲሆን ክፍል አራት የመረጃ ትንተናዎችና የተገኙ ጭብጦች ቀርበዉበታል። በመጨረሻም ክፍል አምስት የማጠቃለያና የመፍትሄ ሃሳቦች የተጠቆሙበት ክፍል ነዉ።  

    ለበለመ መረጃ ይህንን ሊንክ ይጫኑ